Ang pagkakalantad ng isang bata sa init ay maaaring magdulot ng dehydration, heat cramps, pagkapagod sa init, at maging mga kondisyong maaaring magdulot ng panganib sa buhay tulad ng heat stroke. Ang mga bata ay puwedeng tumaas ang panganib sa mga problema sa paghinga at balat kapag mainit ang panahon. Mahalaga para sa mga magulang at tagapag-alaga na mag-ingat sa panahon ng matinding init.
Tulungan ang mga bata na manatiling ligtas sa panahon ng tag-init sa pamamagitan ng impormasyon mula sa Children and Heat-Related Illness page ng California Department of Public Health.
Sundan ang mga kaalaman na ito upang maprotektahan ang iyong sarili at iyong mga sanggol at mga bata mula sa sakit sa init:
Magkaroon ng plano tungkol sa matinding init.
Bantayan ang mga taya ng panahon at mga payo sa init upang iyong malaman kung kailan darating ang matinding init at gaano katagal ito magtatagal. Uminom ng mas maraming tubig kaysa sa karaniwan sa buong araw at magsuot ng maluwag na damit. Gumawa ng iyong personal na plano para sa matinding init.
Alamin ang mga palatandaan!
Ang mga palatandaan ng pagkapagod sa init ay kinabibilangan ng malakas na pagpapawis, panghihina, pagkahilo at sakit ng ulo. Ang mga sintomas ng heat stroke ay kinabibilangan ng lagnat na 103 ºF o mas mataas, kalituhan, at pagkawala ng malay. Kung ikaw ay may heat stroke, tumawag agad ng atensyong medikal.
Magpapresko.
Alamin kung saan matatagpuan ang iyong lokal na cooling center at kung saan makakahanap ng transportasyon. Itakda ang iyong A/C sa 75-80 ºF. Kung wala kang air conditioning, pumunta sa mga lugar na may air-conditioning tulad ng cooling center, aklatan, community center, o pamilihan.
Maging maingat sa sobrang init.
Pag ukulan ng espesyal na pansin ang kanilang mukha at ang ipinapakita ng katawan.
Kapag ang bata ay nakaramdam ng sobrang init, maglagay ng cool compress sa kanilang noo o sa likod ng kanilang leeg para makatulong mapababa ang temperatura ng katawan.
Huwag iwanan ang mga bata ng walang bantay sa loob ng kotse!
Huwag iwanan ang mga bata na mag-isa sa loob ng nakaparadang kotse, dahil ang temperatura ay maaaring umabot ng halos 20 degrees sa loob ng sampung minuto, kahit may nakabukas ang bintanan ng kaunti.