Mas madaling naaapektohan ng heat stress ang mga matatanda dahil hindi sila agad nakaka-adjust sa biglaang pagbabago ng temperatura kumpara sa mga mas bata. Sila ay mas may pagkakataon na magkaroon ng chronic medical condition na nagbabago ng normal na reaksyon ng kanilang katawan sa init, o umiinom ng mga gamot na apektado ang kakayahan ng katawana na kontrolin ang temperatura o pawisan.
Ang pagkakalantad sa mataas na temperatura ay maaaring magdagdag ng panganib sa dehydration, pagkapagod sa init, at heat stroke. Ang mga sakit na ito na may kaugnayan sa init ay maaaring mapanganib o magdulot ng panganib sa buhay.
Sundin ang mga tip na ito upang maprotektahan ang iyong sarili at iba pang mga mas matatanda mula sa sakit ng init:
Magkaroon ng plano tungkol sa matinding init.
Bantayan ang mga taya ng panahon at mga payo sa init upang iyong malaman kung kailan darating ang matinding init at gaano katagal ito magtatagal. Uminom ng mas maraming tubig kaysa sa karaniwan sa buong araw at magsuot ng maluwag na damit. Gumawa ng iyong personal na plano para sa matinding init.
Alamin ang mga palatandaan!
Ang mga palatandaan ng pagkapagod sa init ay kinabibilangan ng malakas na pagpapawis, panghihina, pagkahilo at sakit ng ulo. Ang mga sintomas ng heat stroke ay kinabibilangan ng lagnat na 103 ºF o mas mataas, kalituhan, at pagkawala ng malay. Kung ikaw ay may heat stroke, tumawag agad ng atensyong medikal.
Ibilin sa pamilya, mga kaibigan, o kapitbahay na ikaw ay tingnan tuwing matindi ang init.
Alagaan natin ang isa’t isa at panatilihing ligtas. Magkaroon ng access sa isang gumagana na telepono – siguruhin na mayroon kang cell phone o linya ng telepono. Magkaroon ng listahan ng emergency contact – ilagay ang listahan ng emergency phone numbers malapit sa telepono.
Magpapresko.
Alamin kung saan matatagpuan ang iyong lokal na cooling center at kung saan makakahanap ng transportasyon. Itakda ang iyong A/C sa 75-80 ºF. Kung wala kang air conditioning, pumunta sa mga lugar na may air-conditioning tulad ng cooling center, aklatan, community center, o pamilihan. Para sa karagdagang kaalaman, tingnan ang ibaba.
Tingnan ang iyong gamot.
Makipag-usap sa iyong healthcare provider o pharmacist upang malaman kung ang alin sa mga gamot mo ang nakakaapekto sa kakayahan ng iyong katawan na mag-ayos ng temperatura.
I-save ang mga gawain para mamaya.
Iwasan ang lumabas na direkta sa araw ng matagal na oras, lalo na kapag ang araw ay pinakamatindi, mula ika-sampu ng umaga hanggang ika-apat ng hapon. Iwasan ang alak at caffeine dahil ang mga inumin na ito ay maaring magpa-dehydrate sa iyo lalo.
Tandaan ang mga sumusunod na kapaki-pakinabang na mga kaalaman
- Gumagamit ka ba ng mga medikal na kagamitan (respirators, power wheelchairs, dialysis machines, atbp.) na gumagamit ng baterya o kailangan ng kuryente? Ang brown out sa panahon ng matinding init ay maaaring magdulot ng banta sa iyong mobility at kalusugan. Magkaroon ng backup na plano. Ang FDA ay nag-aalok ng Home Use Devices Booklet: Paano Maghanda at Mag-Handle ng Brown Out para sa mga Kagamitang Medical na Nangangailangan ng Kuryente (PDF – 5.1MB).
- Kung hindi ka makapunta o makahanap ng air-conditioned na lugar, ito ay ilan sa mga magagawa mo sa bahay:
- Isara ang mga bintana, pinto, blinds, at kurtina upang hindi pumasok ang mainit na hangin at sikat ng araw sa pinakamainit na bahagi ng araw.
- Kung wala kang air conditioning, gawin ang mga karagdagang hakbang. Ang paggamit ng mga electric fan ay makakatulong na maibsan ang init, subalit ang mataas na temperatura nang walang kahalumigmigan ay maaaring hindi maging epektibo ang mga fan sa wastong pagpapapresko ng iyong katawan.
- Basain ang isang tuwalya ng malamig na tubig at ilagay ito sa likod ng iyong leeg. Ang mga damit na may matingkad na kulay, magaan, at maluwag na gawa sa natural na tela ay nakakatulong din.
- Mag-shower o magligo ng malamig na tubig upang mapababa ang temperatura ng katawan at magbigay ginhawa mula sa init.
Para sa karagdagang impormasyon, bisitahin ang website ng Department of Aging.